Skrípaleikurinn heldur áfram..

Afhverju er ekki löngu búið að fangelsa Baugs feðgana.

Ég veit ekki betur en að þeir hafi gefið íslensku bankana einkavinum sínum, ég veit ekki betur en að þeir hafi séð til þess að einkavinir þeirra gætu leikið sér með lánsfé eins og þeim sýndist, ég veit ekki betur en að þeir hafi séð til þess að byndiskilda bankanna var felld niður, ég veit ekki betur en að þeir hafi séð til þess að fyrirtæki gætu leikið sér að búa til eiginfé úr viðskiptavild sem var raunverulega neikvætt eiginfé.

Því að ekki unnu þeir sig upp úr því að vera með litla lágvöru verslun í rvk. yfir í að sjá hér um bil allri þjóðinni fyrir matvælum á góðu verði, ekki sáu þeir til þess að íslendingar eiga kost á grænmeti á lægra verði en nágranna þjóðir okkar, ekki reiddu þeir sig á sjálfa sig heldur Sjálfstæðisklíku til að koma sér á framfæri og í þá stöðu sem þeir eru í dag.

Ég vil þó ekki vera að réttlæta öll þeirra verk, en margt hafa þeir gert gott fyrir samfélag íslendinga og margt af því í óþökk ráðamanna. En þessi sekt og margt annað þessa dagana er skapað til þess að fela umræðu um þau raunverulegu vandamál og umræðu sem ætti að vera í gangi. Meðal annars hafa seinustu Kastljós þættir farið í kryfja eitthvert tiltölulega ómerkilegt mál sem snertir DV sem er blað sem afskaplega fáir lesa og þeir sem lesa það gera það meira til gamans en upplýsingaöflunar. Allt þetta er gert til að dreifa athyglinni frá niðurskurði í heilbrigðis og menntamálum, sem og til að dreifa athyglinni frá gjörspilltum ráða- og bankamönnum sem hafa tekið megin hluta þjóðarinnar í það ósmurt...

„Dapurleg jólagjöf“

Að skrá sig utan trúfélags...

Það er minna mál en margar ykkar gruna að styrkja helstu menntastofnun landsins í stað kirkjunnar, aðeins þarf að fylla út eitt eyðublað hjá þjóðskrá og afhenda það í Borgartúni 24 eða senda það með símbréfi (faxi).

Með því að skrá sig utan trúfélags renna safnaðargjöld til Háskóla Íslands í stað þjóðkirkjunnar. Mæli með þessu sérstaklega fyrir trúleysingja.

Hver stýrir trúnni?

Upp í fjármagnstekjur.

Fyrir marga þá sem voru með hefðbundinn sparnað inni á þessum sjóðum er auðvitað hægt að nota þetta upp í almennar fjármagnstekjur. Ég persónulega tapaði ekki "nema" 7% á því að hafa minn sparnað inni hjá Glitni og þar sem það er minna en fjármagnstekjur mínar aðrar á árinu þá gengur þetta upp í þær. Þó má geta þess að raunvirt þá er tapið miklu meira, sem er heldur sárt fyrir einstakling nýkominn úr háskólanámi erlendis og búinn að vera að nurla þessum peningum saman yfir árin og taka frá af námslánunum og hafði hugsað féð sem innborgun í húsnæðiskaupum.

Hinsvegar standa hinir sem töpuðu meiru eða voru með "óeðlilega" mikið þarna inni, eins og t.d. eftir sölu á húsnæði.

Svo er bara að muna að standa saman með náunga sínum, krefjast breytinga og ekki láta menn með elliglöp (Davíð Oddson) hafa of mikil áhrif á sig og allra síst trúa bullinu sem vellur út úr þeim. 

Þeir sem töpuðu fái skattaafslátt

Er ekki kominn tími til að taka fram kindabyssuna?

...

 

(Fella féið og flytja úr landi)

Davíð ber fyrir sig bankaleynd

Aumt hjá mbl!!!

Það er ansi oft sem blaðamenn láta skoðanir sínar hlaupa með sig í gönur og reyna að hliðra sannleikanum. Það að segja að "nokkur hundruð manns" hafi safnast saman gefur til kynna að 200 til 300 manns hafi látið sjá sig. Hinsvegar er það ekki lygi jafnvel þó að á milli 1000 og 2000 manns hafi mætt. Enda sér það hver maður að það eru mun fleiri á þessum myndum en 200 til 300 manns eins og vísir staðfestir.
Mér finnst þetta aumt bragð hjá Geirs og Davíð sinnuðum mbl-ingum og vona ég að sem allra flestir sjái í gegn um þetta.

Þó ég hafi ekki séð mér fært að mæta þá var ég með ykkur í anda við Arnarhól.

Þjóðfundur á Arnarhóli

Búið að flytja Kúbu til lands í Afríku?

Ferð Medvedev var um Rómansku Ameríku ekki Afríku.
Held að þessir mogga blaðamenn þurfi nú aðeins að fara að fletta í landafræðibókunum sínum, eða fá sér hnattlíkan.
Jafnvel þó blaðamanninum hefði tekist að hafa heimsálfuna rétta þá er Kúba Norður Ameríku, ekki Suður.

Medvedev á Kúbu

Hættulegt að vera á sjálfskiptum..

Hræddur um að maður komist lítið áfram ennþá í sama gír á beinskiptum bíl eftir að hafa lent utan vegar af þjóðveginum.
Sjálfskiptingin veldur almennt líka meiri eyðslu eldsneytis, ekki er hægt að gíra niður til að hægja á sér ef svo ber undir og getur tekið upp á ýmsustu hunda kúnstum þegar maður þarf á afli bílsins að halda.
Mesti skaðræðis búnaður...

En gott að maðurinn hafi komist af með minniháttar meiðsl.

Rotaður undir stýri

Flott hjá Svíum

Ég myndi treysta Svíum margfalt betur til að sjá um að koma Íslendingum út úr þessari fjármálakrísu heldur en ríkisstjórninni og IMF. Byggja fjármálakerfið upp á styrkum stoðum en ekki gera erlendum aðilum auðvelt fyrir að kaupa upp allt sem kaupandi er, sem er hætt við að verði afleiðing IMF.
Gæti líka komið í veg fyrir enn aðra einkavina væðinguna.

Íslensk stjórnvöld reið út í Svía

Frábært framtak

Um að gera að minnka innflutning á dýrafóðri..
Svo veit ég það að kisanum mínum finnst voða gott að fá hráa lambalifur , svo hugmyndin ætti líka að geta gengið

Kattamatur úr Súðavík

Endurgreiðsla eða hækkun?

Þýðir þetta þá að ég fái endurgreiddan minn hluta af þessum 1,4 milljarði, eða leggst þessi 1,4 milljarður næstu bílrúðu sem ég kaupi?

Sektuð um 1,4 milljarða evra fyrir samráð